Kaldarte comeza a súa andaina no ano 1998. A súa peculiaridade consistía na implantación de obras de arte nun hábitat domesticado, á intemperie, posibilitando que todos os veciños puidesen gozar da arte a calquera hora do día e chegando a convivir coas obras durante o tempo que durase a exposición. Os artistas encargados de realizar estes traballos eran principalmente alumnos e docentes da Facultade de Belas Artes de Pontevedra. Polo menos así foi durante os primeiros anos do Festival.